Madaxweynaha Soomaaliya Hassan_Sheikh Maxamuud ayaa sheegay in dowladdiisu ay si dhow ula shaqeyneyso la-hawlgalayaasha ay hoggaamineyso Sacuudi Carabiya si loo ilaaliyo xasilloonida loona ilaaliyo Geeska Afrika waxa uu ku tilmaamay “kor u kaca aan taxaddarka lahayn” ka dib markii la sheegay in Srael uu aqoonsaday Somaliland.
Wareysi uu la yeeshay Asharq Al-Awsat, Maxamuud wuxuu ka digay in aqoonsi kasta oo Somaliland loo siiyo dowlad madax-bannaan ay tahay “xadgudub cad” oo ka dhan ah madaxbannaanida Soomaaliya iyo midnimada dhuleed, isla markaana ay halis gelinayso nabadda iyo amniga gobolka Geeska iyo marinnada Badda Cas.
Wuxuu qeexay istiraatiijiyad siyaasadeed iyo sharci oo saddex-geesood ah si looga hortago tallaabada. Wadada ugu horreysa waxay ku lug leedahay la-hawlgal diblomaasiyadeed oo degdeg ah oo Qaramada Midoobay, Midowga Afrika (AU), iyo Ururka Iskaashiga Islaamka (#OIC) si loo diido loona baabi’iyo aqoonsiga.
Maxamuud wuxuu sheegay in Soomaaliya ay heshay kalfadhi rasmi ah oo ka dhacay Golaha Amniga ee Qaramada Midoobay si wax looga qabto waxa uu ugu yeeray xadgudub ka dhan ah midnimada dhulkeeda.
